විදුහල්පති තුමාගේ පණිවිඩය
අම්/හුලංනුගේ විද්යාලය
නැගෙනහිර පළාතේ අම්පාර දිස්ත්රික්කයේ ලාහුගල අධ්යාපන කොට්ඨාශය තුල ඇති අප පාසල හුලංනුගේ ග්රාමයට අයත් වටිනා සම්පතකි. දිනෙන් දින අධ්යාපනයේ විශිෂ්ඨත්වයට පියනගන එය ජාතික තලය ඉක්මවා ජාත්යන්තර තලයට දරුවන් ගෙනයමින් ගෞරවයට පාත්ර වීම සුවිශේෂී වේ. සෞන්දර්ය හා ක්රීඩා ක්ෂේත්ර තුල කැපී පෙනෙන දක්ෂතා සහිත දරුවන් රැසක් පාසල් මාතාව සතු වේ. සුසමාහිත පෞර්ෂයන් සතු පිරිපුන් දරුවන් සමාජයට දායාද කිරීම අපගේ මුඛ්ය අරමුණ වේ.
මෙම නවමු වෙබ් අඩවිය නිර්මාණය කිරීම විද්යාලයට සුවිශේෂි අවස්ථාවක් වනු ඇත. මෙ මගින් විද්යාලය හා සම්බන්ධ වීමට අපේක්ෂිත, විද්යාලයට ආදරය කරන සියලු පාර්ශවයන් හට වටිනා අදහස් හුවමාරු කර ගැනීමටත් විද්යාලයීය දියුණුව සදහා අත දීමටත් සන්නිවේදන මාර්ගයක් නිර්මාණය වීම එයට හේතුවයි. විද්යාලයේ උන්නතිය සඳහා සහයෝගය දක්වන ලෙසට ඔබ සැමට ආරාධනා කරන අතර මෙම කාර්යය සඳහා කැප වී කටයුතු කළ සියලු පාර්ශවයන් හට මාගේ හෘදයාංගම ස්තුතිය පුද කරමි. විද්යාලය දිනෙන් දින දීප්තිමත්ව බැබලේවායි ප්රාර්ථානා කරමි.
විදුහල්පති
අම්/හුලංනුගේ විද්යාලය.